The Ultimate Laguna Misadventures

Gabi kami bumyahe umuwi papuntang Siniloan, Laguna. Iyan ang probinsiya ng aming mga ninuno. Naks, parang nasa History class. Hehe. Gabi kami pumunta doon. Ang layo na ng naabot namin, nang kami ay huminto sa tapat ng isang funeral park.. ehem ehem.. *creepy mode on*... bigla kaming nag-U turn, at bumalik sa aming pinanggalingan. Nang makita namin ang isang landmark na nagsasabing,

Hello world! Nasa Antipolo kayo

Nabigla kami, kasi ang layo na pala noon. At ayun, bumalik nga kami ulit. Siyempre nong bumalik kami ulit sa tamang daan, ayan... sisihan na ito. At ang nasisi ay yung bestfriend ng aking Kuya. Sabi nya,

Ako... ako... lagi na lang ako...

Ooops... Bubble Gang ba ito? Hehe!

Tapos sa kalagitnaan ng aming biyahe, may kakaiba kaming nakita na masasabi mong Onli in da Pilipins.

Traysikel na humihila sa tamaraw

Aba aba. Parang kotseng humihila ng truck o kaya naman parang daga na humihila sa kalesa. Hehehe! At siyempre, ang bagal bagal ng kanilang takbo. Baka Bagong taon na kami dumating doon sa aming bahay sa probinsiya.

Noong pauwi naman kami ay hindi kami naligaw. Pero huminto kami sa may 7-11 sa may Antipolo dahil nagugutom na nga kami. Meron kasi doong Wendy's. Noong paalis na kami, parang nakakita ng artista yung Kuya ko tsaka yung bestfriend nya. Ayun. May nakita ngang artista. Lumabas kasi si Francis Magalona at ang anak nyang si Maxine galing sa 7-11. Nakakatawa pa nga kasi parang sa mga tingin nila ay gusto nilang sundan. Haha!