Pinakakontrobersiyal Na Debate ng Taon

Mga kaibigan, ang pinakakontrobersiyal na debate ng taon ay kung sino ang may pinakamalalang trabaho sa kanila. Ngunit bago ang lahat, ipapakilala ko muna ang dalawang nagdebate.

Kalahok #1: Tootsie the Toothbrush

Job Description:

• Magtanggal ng plaque sa ngipin ng may-ari ng toothbrush.


• Magtiis sa halo-halong amoy ng pagkain sa bibig ng may-ari ng toothbrush.


• Maligo sa pinaghalong laway, tubig at toothpaste.


• Harapin ang mga nakakatakot na tartar at bulok na ipin ng buong tapang.


• Pagkatapos lapastanganin ang puri nito ay gagawing panglinis ng banyo at kung anu-ano pa.

Kalahok #2: Totie the Toilet Paper

Job Description:

• Imudmod ang mukha sa puwet ng kung sino man na gumagamit.


• Taga-punas ng jebs (maskilala sa pangalang tae).


• Matapon sa basurahan kasama ang sanitary napkins, lalagyan ng toothpaste na walang laman at iba pang toilet paper na gamit na.


• Tagasipsip ng sipon.


• Tagapunas din ng luha na may kasamang mga muta.


• Ginagamit din minsan na pambalot sa sanitary napkin.

Ang Debate

Tootsie: Ako ang may pinakapanget na trabaho. Tatlo hanggang limang beses ba naman sa isang araw ay kailangan mong harapin ang mga nakakatakot na tartar at pati na mga bulok na ipin. Masnakakatakot pa sa The Night of the Living Dead.

Totie: Hindi Tootsie! Nagkakamali ka diyan. Wala pang maslala sa pagkakamudmod sakin sa puwet ng kung sinu-sinong tao. Sa araw araw na lang, ganun ang ginagawa ko. Minsan pa ibabalot pa ako sa gamit na sanitary napkin.

Tootsie: Hindi.. ako pa rin. Kelangan mo ba naman magswimming sa pinaghalong laway, tubig at toothpaste. Yikes!!! Nakakapaso pa naman yung toothpaste. Tapos minsan may mga germs pa na kelangan harapin dahil hindi pa malinis yung tubig.

Totie: Ginagalit mo ako Tootsie!!! Walang tatalo sa akin!!! Dahil lahat ng klase ng dumi at sakit ay puwede kong masagap. Isipin mo, ipupunas ako sa mga matang may sore eyes, tapos sisipunan ako ng isang taong may malalang sakit sa baga. Sige nga.

Ang Hatol
Kayo na po ang humatol kung sino ang may pinakapanget na trabaho. Kung si Tootsie the Toothbrush o si Totie the Toilet Paper.