Million Dollar Baby

Million Dollar Baby -- isang pelikulang dalawang oras ang haba. Akalain mo bang tungkol ito sa boxing? Hehe!

Alam nyo ba, nong unang marinig ko ang title nito, ang nasa isip ko na pelikula ay parang ganito:

Tipong kasama ito sa serye ng Look Who's Talking (pelikula na kung saan ay ang mga sanggol ay may sariling wall kung sila ay nag-uusap--sa madaling salita, go baby talk!). Ngunit siyempre, mayaman na mayaman ang baby ito... isipin mo na lang si Richie Rich na kakapanganak pa lang. Yung tipong andiyan si Barney na sumalubong sa kanya sa mundong ibabaw. Isama mo na rin sina B1 at B2 pati na si Pong Pagong at Kiko Matsing.

At dahil Million Dollar Baby siya, naging paboritong target siya ng mga kidnapper na hindi nila makidnap kidnap gawa ng kanilang mga kamalasan. Kumbaga, gagawin palang nila, kinakarma na sila. Haha! Tapos sa bandang huli makikidnap pero siyempre maililigtas sa tulong ng kanyang malakas na hagulgol nya na nagpagising sa ibang mga sanggol din. At dahil doon, ay gumawa ng paraan ang ibang mga sanggol upang makatakas ito at mahuli ang mga kidnapper ng mga pulis (ang overused na happy ending).